पुढील बातमी

class="fa fa-bell">ठळक बातम्या:

महिला मतदारांसाठी खास सोय, मतदान केंद्रावर पाळणाघराचीही सुविधा

मतदान केंद्रावरील पाळणाघराचे संग्रहित छायाचित्र

लहान मूल असल्याने मतदानाला कसे जाणार अशी अडचण असणाऱ्या महिलांसाठी मुंबई उपनगर जिल्हा निवडणूक कार्यालयाने विशेष सुविधा उपलब्ध केली आहे. महिलांना आपल्या चिमुकल्यांना घेऊन मतदानाचा सर्वोच्च अधिकार बजावता यावा यासाठी मुंबई उपनगर जिल्ह्यातील २६ मतदार संघांतील १०२६ मतदान केंद्रांच्या ठिकाणी पाळणाघरांची सुविधा करण्यात आली आहे. अगदी तान्हुल्यांचेदेखील संगोपन याठिकाणी अंगणवाडी सेविकांतर्फे करण्यात येणार आहे. २१ ऑक्टोबर रोजी होणाऱ्या विधानसभा निवडणूकीच्या पार्श्वभूमीवर महिलांच्या दृष्टीने ही महत्त्वाची सुविधा ठरेल.

गडकिल्ल्यांवर 'छमछम'ची व्यवस्था करणार का, शरद पवारांचा सवाल

या प्रत्येक पाळणाघरात लहानग्यांना सांभाळण्यासाठी किमान १ अंगणवाडी सेविका आणि मतदान केंद्रांच्या संख्येनुसार एकाहून अधिक सेविकांची नियुक्ती करण्यात येणार असल्याचे स्वीप नोडल अधिकारी तथा उपजिल्हाधिकारी सोनाली मुळे यांनी सांगितले. याठिकाणी केवळ सेविकाच नाही तर लहानग्यांना खेळण्यासाठी काही खेळणी, कोरडा खाऊ आणि पाणी याचीही सुविधा उपलब्ध करुन देण्यात येणार आहे. या अनोख्या सुविधेमुळे महिला आपल्या पाल्यांना पाळणाघरात ठेऊन निश्चिंतपणे मतदानाचा अधिकार बजावू शकतात. याठिकाणी येणाऱ्या प्रत्येक बालकाची नोंद अंगणवाडी सेविका ठेवणार असून प्रत्येक पाळणाघराबाहेर पोलिस दलातील सुरक्षारक्षकही तैनात करण्यात येणार आहे.

'दिवाळीपूर्वी भाजप सरकारचं दिवाळं काढा'

जिल्ह्यातील आकडेवारीनुसार, एकूण मतदार संख्या ७२ लाख ६३ हजार २४९ इतकी आहे. तर महिलांच्या संख्येतही यंदा लक्षणीय वाढ झाली असल्याचे नुकत्याच आलेल्या आकडेवारीवरुन समोर आले आहे. यामध्ये ३३ लाख १५ हजार ३३६ महिला मतदार आहेत. मे २०१९ मध्ये झालेल्या लोकसभा निवडणुकीच्या तुलनेत महिला मतदारांच्या संख्येत १.७८ टक्क्यांनी वाढ झाली आहे.

चंद्र दाखवून दिशाभूल करणे थांबवा, राहुल गांधीचा मोदींना टोला