मुंबईत शिवसेना शिंदे गटाच्या आमदाराकडून कुकर, साड्यांचे वाटप; पोलिसांमध्ये तक्रार

Maharashtra Vidhan Sabha Elections 2024 : महाराष्ट्रात विधानसभा निवडणुकीची रणधुमाळी सुरू असून यंदा विधानसभा निवडणुकीत महायुती विरुद्ध महाविकासआघाडी अशी थेट लढत होत आहे. निवडणुकीमुळे राजकीय घडामोडी या वेगाने घडत आहेत. त्यातच आता मतदारांना आकर्षित करण्यासाठी विविध युक्त्या लढवल्या जात आहेत. याच पार्श्वभूमीवर शिंदे गटाकडून मुंबईतील चांदिवली विधानसभा मतदारसंघात प्रेशर कुकर, साड्या व हॉटपॉटचे वाटप केल्याची तक्रार पोलिसात करण्यात आली आहे. याबाबतचे पत्र निवडणूक आयोगालाही सादर केले गेले आहे.

चांदिवली विधानसभा क्षेत्रातील (Chandivali Assembly Constituency) गणेश नगर येथील मिनी पंजाब हॉटेल (सत्यम बँक्नेट हॉल) येथे मतदारांना आकर्षित करण्यासाठी प्रेशर कुकर, साड्या, हॉटपॉट व विविध भेट वस्तू वाटप केल्याची तक्रार करण्यात आली आहे.

याबाबत निवडणूक आयोगाकडे केलेल्या तक्रारीत  म्हटले आहे की,  शुक्रवारी सायंकाळी सात वाजता शिवसेना शिंदे गटाचे उमेदवार दिलीप लांडे यांच्या अधिपत्याखालील रिद्धी-सिद्धी महिला बचत गट व सेवा संस्था या संस्थेच्या मार्फत महिलांना आमिष दाखवत प्रेशर कुकर, साड्या,हॉटपॉट व इतर विविध गृह उपयोगी साहित्याचे वाटप केले गेले.

सूरतमध्ये ठाकरेंशी बोलताना शिंदेंना रडू कोसळलं, म्हणाले ‘आता माघारी फिरल्यास...’; आदित्य ठाकरेंचा गौप्यस्फोट

यावेळी शिवसेना शिंदे गटाच्या उपनेत्या मीनाताई कांबळी, संध्या वढावकर उपस्थित होत्या. त्यावेळी त्या शिवसेना शिंदे गटाचे उमेदवार दिलीप लांडे यांना मतदान करण्याचे आवाहान करीत होत्या,हा आदर्श आचारसंहितेचा भंग आहे.

शरद पवारांनी मुख्यमंत्रीपदाचे पत्ते खोलले! म्हणाले, 'ज्यांचे आमदार जास्त, त्यांचा मुख्यमंत्री ही आमची भूमिका'

याची तक्रार करताच निवडणूक निर्णय अधिकारी भरारी पथक हजर झाले. त्याचप्रमाणे पोलीस नियंत्रण कक्षाशी संपर्क साधून त्यांना या घटनेची माहिती दिली असता पवई पोलीस ठाण्याचे अधिकाऱ्यांनी घटनास्थळाचा पंचनामा करून तेथे असणाऱ्या वस्तू व सीसीटीव्ही फुटेजसाठी त्या ठिकाणी उपलब्ध असणारा डी.व्ही. आर. जप्त केला.

लाडक्या बहिणी अन् शेतकऱ्यांसाठी १०० वेळा तुरुंगात जाईन, मुख्यमंत्री एकनाथ शिंदे असं का म्हणाले? वाचा

तेथे जवळपास ३५० महिलांना साड्या व गृहोपयोगी वस्तूंचे वाटप करून आचारसंहितेचा भंग केला गेला. यामुळे शिंदे गटाचे उमेदवार दिलीप लांडे व उपनेत्या मीनाताई कांबळी व संध्या वढावकर त्याचप्रमाणे संस्थेचे पदाधिकारी यांच्यावर एफआयआर दाखल करून कारवाई करण्याची मागणी निवेदनातून केली आहे.

दिलीप लांडे यांच्यावर यापूर्वीही शासकीय पैशातून प्रेशर कुकर घोटाळा केल्याचा अहवाल मनपाच्या दक्षता विभागाने सादर केलेला आहे. ऐन निवडणुकी काळात मतदारांना आकर्षित करण्यासाठी गुह उपयोगी सामान वाटप करीत दिलीप लांडे यांनी सरळ-सरळ आचार संहितेचा भंग केला असून त्यांच्यावर कायदेशीर कार्यवाही करण्याची मागणी स्थानिक लोकांनी केली आहे.