Video: सलमान खानने फिटनेसबाबत प्रश्न उपस्थित करणाऱ्यांना दिलं सडेतोड उत्तर, शेअर केला व्हिडिओ

सलमान खानने ट्रोलर्सना सडेतोड उत्तर दिले आहे. खरं तर 'सिकंदर' रिलीज झाल्यापासून सोशल मीडियावर लोक त्याच्या फिटनेसवर प्रश्नचिन्ह उपस्थित करत आहेत. अशातच त्याने शुक्रवारी इन्स्टाग्रामवर एक व्हिडिओ पोस्ट करत आपल्या फिटनेसचा पुरावा दिला आहे. सलमानचा हा व्हिडिओ पाहून त्याचे चाहते खूश झाले आहेत. 'टायगर अजून म्हातारा झालेला नाही', यावर त्यांचा विश्वास बसला आहे.

या व्हिडिओमध्ये ५९ वर्षीय अभिनेता पनवेलमधील आपल्या फार्महाऊसवरील एका झाडावर चढून ताजी बेरी तोडताना दिसत आहे. सलमानने व्हिडिओच्या बॅकग्राऊंडमध्ये 'सिकंदर' हे गाणं ठेवलं आहे. व्हिडिओ शेअर करताना त्याने सोशल मीडियावर लिहिलं, 'बेरी गुड फॉर यू.

सलमानचा व्हिडिओ पाहून त्याच्या चाहत्यांना दिलासा मिळाला आहे. त्याचवेळी त्यांचे टीकाकार आश्चर्यचकित झाले आहेत. वरुण धवन, अनन्या पांडे सह इतर सेलिब्रिटींनी हा व्हिडिओ लाइक केला आहे.

एका युजरने त्याच्या व्हिडिओवर कमेंट करत लिहिले की, "बघू या आपल्यापैकी किती जण वयाच्या ६० व्या वर्षी हे करू शकतात." तुम्ही फिटनेसबद्दल भरपूर ज्ञान देता, नाही का? जर सचिन एका सामन्यात ० धावांवर बाद झाला आणि नेहराने चौकार मारला तर नेहरा चांगला फलंदाज बनत नाही. हे लक्षात ठेवा. आणखी एकाने लिहिले की, भाई या वयातही झाडांवर चढत आहे आणि काही द्वेषी त्याच्या फिटनेसवरून त्याला ट्रोल करत आहेत. द्वेष करणाऱ्यांनी त्यांच्याकडून काहीतरी शिकले पाहिजे. तिसऱ्याने लिहिलं, "बघा भाई किती सहजपणे झाडावर चढत आहेत आणि दुसरीकडे लिफ्ट शिवाय चौथ्या मजल्यावर चढू न शकणारे त्यांना ट्रोल करत आहेत."