IPL 2025 च्या मध्यावर CSK च्या स्क्वॉडमध्ये मोठा बदल, ‘या’ स्फोटक फलंदाजाच्या समावेशाने फलंदाजीला धार

आयपीएल २०२५ मध्ये खराब फॉर्मशी झगडत असलेल्या चेन्नई सुपर किंग्जच्या चाहत्यांसाठी आनंदाची बातमी समोर आली आहे. या संघाने मुंबई इंडियन्सचा माजी फलंदाज डेवाल्ड ब्रेविसला मोसमाच्या मध्यावर आपल्या संघात स्थान दिले आहे. ऋतुराज गायकवाडच्या दुखापतीनंतर संघाला मधल्या फळीतील स्फोटक फलंदाजाची उणीव भासत होती. ब्रेव्हिसच्या आगमनानंतर सीएसकेला मधल्या फळीत वेगवान धावा करण्यास सक्षम असा फलंदाज मिळणार आहे. चेन्नईने या दक्षिण आफ्रिकेच्या खेळाडूला २.२ कोटी रुपयांना संघात समाविष्ट केले आहे.

आयपीएल २०२५ चा हंगाम आतापर्यंत ५ वेळा विजेत्या चेन्नई सुपर किंग्जसाठी निराशाजनक ठरला आहे. संघाने खेळलेल्या ७ पैकी ५ सामने गमावले आहेत आणि त्यांना फक्त २ सामने जिंकता आले आहेत. या खराब कामगिरीमुळे हा संघ आयपीएल २०२५ च्या गुणतालिकेत सर्वात खालच्या दहाव्या स्थानावर आहे. ऋतुराज गायकवाडच्या दुखापतीनंतर संघाने मोसमाच्या मध्यावर कर्णधारही बदलला, पण धोनीच्या नेतृत्वाखाली संघाच्या कामगिरीत फारशी सुधारणा झालेली नाही. अशा तऱ्हेने आता संघाला संघात बदल करावे लागले आहेत.

सीएसकेकडे परदेशी खेळाडूची जागा शिल्लक होती, ज्यामुळे त्याला सीएसकेने हंगामाच्या मध्यावर एका भारतीय खेळाडूऐवजी करारबद्ध केले आहे.

आयपीएल मीडिया अॅडव्हायजरीनुसार, "चेन्नई सुपर किंग्जने दुखापतग्रस्त गुरजनीत सिंगच्या जागी देवल्ड ब्रेव्हिसची निवड केली आहे. चेन्नई सुपर किंग्जने (सीएसके) टाटा इंडियन प्रीमियर लीग (आयपीएल) 2025 च्या उर्वरित सामन्यांसाठी दुखापतग्रस्त गुरजनीत सिंगच्या जागी दक्षिण आफ्रिकेच्या देवल्ड ब्रेव्हिसची निवड केली आहे. देवल्ड

ब्रेव्हिसने ८१ टी-२० सामने खेळले असून १७८७ धावा केल्या असून त्याची सर्वाधिक धावसंख्या १६२ आहे. त्याने २०२३ मध्ये दक्षिण आफ्रिकेकडून टी-२० क्रिकेटमध्ये पदार्पण केले आणि आतापर्यंत २ टी-२० सामने खेळले आहेत.

ब्रेव्हिस यापूर्वी मुंबई इंडियन्ससंघाचा भाग होता, जिथे त्याने १० सामने खेळले होते. तो २.२ कोटी रुपयांना सीएसकेमध्ये सामील होणार आहे.

देवल्ड ब्रेव्हिसने यापूर्वी आपल्या सोशल मीडियावर पिवळ्या रंगाचा फोटो पोस्ट केला होता आणि चाहत्यांना सीएसकेमध्ये सामील होण्याचे संकेत दिले होते.

त्याची ही पोस्ट पाहून चाहत्यांनी त्याला शुभेच्छा देण्यास सुरुवात केली होती.

ऋतुराज गायकवाड बाहेर पडल्यानंतर चेन्नई सुपर किंग्ज मधल्या फळीत स्फोटक फलंदाजाच्या शोधात आहे. संघ सातत्याने राहुल त्रिपाठीला संधी देत आहे, पण हा भारतीय खेळाडू सीएसकेला सतत निराश करत आहे. आता सीएसकेला ब्रेव्हिससारख्या फलंदाजाच्या शोधात आहे जो मधल्या षटकांमध्ये रनरेट वाढवू शकेल आणि दीर्घ डाव खेळू शकेल.