BSNL: अनलिमिटेड कॉलिंग आणि जिओ हॉटस्टारसह मिळवा सुपरफास्ट इंटरनेट!

सरकारी टेलिकॉम कंपनी बीएसएनएल खासगी टेलिकॉमला टक्कर देण्यासाठी सर्वतोपरी प्रयत्न करत आहे. कंपनीचे असे अनेक प्लॅन आहेत जे जिओ, एअरटेल आणि व्हीआयपेक्षा चांगले आहेत. केवळ प्रीपेड आणि पोस्टपेडच नाही तर बीएसएनएलचे अनेक ब्रॉडबँड प्लॅनही आहेत. येथे आम्ही तुम्हाला बीएसएनएलच्या एका प्लानबद्दल सांगत आहोत ज्यामध्ये तुम्हाला हाय स्पीड इंटरनेट, 6500 जीबी डेटा, 500 हून अधिक टीव्ही चॅनेल्स, ओटीटी, कॉलिंगचा फायदा मिळणार आहे. बीएसएनएलच्या या फायबर अल्ट्रा ओटीटी प्लानची किंमत 1799 रुपये आहे. चला तर मग तुम्हाला या प्लॅनबद्दल सविस्तर सांगू या ज्यामध्ये एकाच वेळी अनेक फायदे मिळणार आहेत.

बीएसएनएल फायबर अल्ट्रा ओटीटी प्लॅनची किंमत 1799 रुपये प्रति महिना आहे. या प्लानमध्ये युजर्सला ३०० एमबीपीएस स्पीडसह दरमहा ६५०० जीबी (६.५ टीबी) डेटा मिळतो. या प्लानमध्ये आठ ओटीटी प्लॅटफॉर्मचे सब्सक्रिप्शन विनाशुल्क मिळते. ओटीटी बेनिफिट्सच्या लिस्टमध्ये जिओहॉटस्टार, लायन्सगेट, शेमारू, हंगामा, सोनीलिव्ह, झी 5, युप टीव्ही, एपिकॉन यांचा समावेश आहे.

बीएसएनएलच्या 1799 रुपयांच्या प्लॅनमध्ये 500 हून अधिक लाइव्ह टीव्ही चॅनेल्सच्या अॅक्सेससह लोकल आणि एसटीडी नंबरवर अनलिमिटेड कॉलिंगचा ही फायदा मिळतो. ही योजना घरे आणि व्यवसायांसाठी डिझाइन केली गेली आहे ज्यांना स्ट्रीमिंगसाठी हाय-स्पीड इंटरनेटची आवश्यकता आहे. गेमिंग आणि स्पेशल टास्कसाठी अनलिमिटेड इंटरनेट ची गरज असते. फेअर युसेज पॉलिसी (एफयूपी) ६५०० जीबीची मर्यादा गाठल्यानंतर युजर्सचा इंटरनेट स्पीड २० एमबीपीएसपर्यंत कमी होतो.

मार्च 2025 पर्यंत मोफत इन्स्टॉलेशन ऑफर

नवीन वापरकर्ते जोडण्यासाठी बीएसएनएल 31 मार्च 2025 पर्यंत घरे आणि कार्यालयांसाठी विनामूल्य ब्रॉडबँड इंस्टॉलेशन ऑफर करत आहे. यामुळे ग्राहकांना लवकर सेटअप खर्च वाचविण्यात मदत होऊ शकते. या ऑफरचा लाभ घेऊ इच्छिणारे युजर्स अधिक माहितीसाठी बीएसएनएलच्या वेबसाइट किंवा मोबाइल अॅपला भेट देऊ शकतात.